ජනවාරි 01 දින සිට මාර්තු 31 වැනිදා දක්වා කාලය තුළ බන්ධනාගාර රැඳවියන් 53 දෙනකු මිය ගොස් ඇතැයි බන්ධනාගාර මාධ්‍ය ප්‍රකාශක ගාමිණී බී. දිසානායක මහතා ඊයේ (8දා) ප්‍රකාශ කළේය.
මෙම මරණ සිදුවී ඇත්තේ ගෙල වැලලා ගැනීම්, අසනීප තත්ත්වයන් සහ පහරදීම් හේතුවෙන් බවද බන්ධනාගාර මාධ්‍ය ප්‍රකාශකවරයා සඳහන් කරයි.
මේ අන්දමින් පසුගිය 2023 වර්ෂයේදී බන්ධනාගාර රැඳවියන් 209 දෙනකු මියගොස් තිබේ. ඒ අතර කාන්තා රැඳවියන් 6 දෙනකුද පිරිමි රැඳවියන් 203 දෙනකුද වන බව බන්ධනාගාර මාධ්‍ය ප්‍රකාශකවරයා සඳහන් කරයි. මෙම පිරිස අතර විදෙස් ජාතිකයෝ තිදෙනෙක්ද වෙති.
මෙලෙස 2022 වර්ෂයේදී බන්ධනාගාර තුළ 144 දෙනකු මියගොස් ඇති අතර පිරිමි රැඳවියන් 139 දෙනෙක්ද, කාන්තා රැඳවියන් 05 දෙනෙක්ද ඒ අතර වෙති.
අහුන්ගල්ල – කමල් ශ්‍රී ලියනගේ
