විදෙස්ගතව සිටි තායිලන්තයේ හිටපු අග්‍රාමාත්‍ය තක්ෂින් සිනවත් නැවතත් සිය රටට පැමිණ තිබේ.
දූෂණ වංචා චෝදනා හේතුවෙන්, වසර 15 ක කාලයක් තායිලන්තයෙන් පිට වී විදේශගතව සිටි එරට හිටපු අග්‍රාමාත්‍ය තක්ෂින් ෂිනවාත්‍රා යළි තායිලන්තයට බලා පැමිණියේය. එසේ පැමිණි සැණින් ඔහු අත්අංගුවට ගෙන අධිකරණයට යොමු කර පසුව බන්ධනාගාරයට යැවිණි.
ඔහුව පිළිගැනීම සඳහා ඔහුගේ අනුගාමිකයින් විශාල සංඛ්‍යාවක් ගුවන්තොටුපොළට පැමිණ තිබුණි.
තක්ෂින් බලයෙන් නෙරපා දැමුණු අතර, ඔහුගේ ‘තායි රාක් තායි’ පක්ෂය බලතල අවභාවිත කළේ යැයි චෝදනා සම්බන්ධයෙන් තහනම් කෙරුණි.
ඔහු එරටින් පළාගියේ කුමන්ත්‍රණයකින් එරට හමුදා නායකයින් බලය අල්ලා ගැනීමෙන් පසුවය.
අත්අඩංගුවට ගැනීමට පෙර, තක්ෂින්, තායිලන්තයෙන් පිටුවහල් වී විදේශගත වීමට තීරණය කළේ එවිටය. තක්ෂින් නොමැතිව, බැංකොක් අධිකරණ ඔහුට වසර දෙකක සිර දඬුවමක් ද ලබා දී තිබුණි.
තක්ෂින් යළි පැමිණියහොත් ඔහු අත්අඩංගුවට ගැනීමට නියමිතය තිබුණි. ඒ අනුව, තක්ෂින් ෂිනවාත්‍රා ඔහුගේ පෞද්ගලික ජෙට් යානයෙන් බැංකොක් අගනුවර ඩොං මුවෙන්ග් ගුවන්තොටුපොළ බලා පැමිණි සැණින් අත්අඩංගුවට ගැනීම සිදුවිය.
