නාවලපිටිය රඹුක්පිටිය මධ්‍ය මහා විද්‍යාලයේ සිසුන් පිරිසක් දිවා ආහාර පොලිතින්වල ඔතාගෙන පැමිණී බවට චෝදනා කරමින් එහි විදුහල්පතිවරයා එම පොලිතින් හා පත්තර පිටු සිසුනට කවා ඇතැයි කියන සිද්ධියක් සම්බන්ධයෙන් පරීක්ෂණයක් ආරම්භ කළ බව පොලිසිය කියයි.
පත්තර පිටු සහ පොතින් සපා කෑ සිසුන් දෙදෙනකු අසනිප වී නාවලපිටිය දිස්ත්‍රික් මහ රෝහලට ඇතුළත් කර ඇතැයි ද පොලිසිය කියයි.
එම සිසුන් දෙදෙනාට උදරයේ අමාරුව,වමනය,උගුරේ අමාරුව වැනි රෝග ලක්ෂණ මතුවී ඇතැයි ඔවුන්ගේ මවුපියන් කර පැමිණිල්ලේ සඳහන් බව ද පොලිසිය සඳහන් කරයි.
විදුහල්පතිවරයා පැමිණ සිසුන් පරීක්ෂා කළ අවස්ථාවේ ඔවුන් දිවා ආහාරය ගෙන ඉවතලන පොලිතිනි හා පත්තර පිටු නැවත රැගෙන යාමට බෑගයේ දමාගෙන සිට ඇති අතර විදුහල්පතිවරයා එම පොලිතින් හා පත්තර පිටු එළියට ගන්නැයි සිසුන්ට නියෝග කර පසුව ඒවා කටේ දමාගෙන ගන්නැයි ප්‍රකාශ කර ඇති බව ද පැමිණිල්ලේ සඳහන් වන බව ද පොලිසිය කියයි.
(රංජිත් රාජපක්ෂ)
