පූගොඩ ඇඟලුම් කර්මාන්ත ශාලාවක PCR පරීක්ෂණ – එක් සේවිකාවකට කොවිඩ්

දොම්පේ පූගොඩ ප්‍රදේශයේ ඇඟලුම් ආයතනයක සේවිකාවකට කොවිඩ් වෛරසය ආසාදනය වී ඇතැයි තහවුරු වී තිබේ.

පසුගියදා එම ආයතනයේ සේවක සේවිකාවන් 50 දෙනෙකුගේ පීසීආර් පරීක්ෂණ සිදුකෙරුණු අතර එම වාර්තා මඟින් ඇය ආසාදිතයෙකු ලෙස හඳුනා ගෙන ඇත.

ඇය කිරිඳිවැල පල්ලේගම ප්‍රදේශයේ පදිංචිකාරිනියකි.

දොම්පේ පරිපාලන මහජන සෞඛ්‍ය පරීක්ෂක ඩබ්.ඒ.බණ්ඩාරනායක මහතා පවසා සිටියේ, “දොම්පේ සෞඛ්‍ය නිලධාරී කොට්ඨාසයෙන් එක් කොරෝනා රෝගියෙක් පීසීආර් පරීක්ෂණ අනුව තහවුරු වෙලා තියෙනවා. එම කාන්තාව සේවය කරන්නේ දොම්පේ පූගොඩ කර්මාන්ත ශාලාවක. මේ වන විට සෞඛ්‍ය නිලධාරී කාර්යාලයේ ප්‍රධාන සෞඛ්‍ය නිලධාරීනියගේ ප්‍රධානත්වයෙන් සියලූම මහජන පරීක්ෂකවරු රෝග ආශ්‍රිතයින් සොයා නිරෝධායන කටයුතුවල නියැලෙනවා. ඊයේ රාත්‍රී 12ට පමණ අදාළ රෝගියාව මුල්ලේරියාව රෝහල බලා පිටත් කර යැව්වා.“ යනුවෙනි.

එම ආයතනය නිවේදනයක් නිකුත් කරමින් සඳහන් කර ඇත්තේ, පසුගිය 8 වන දින සිට එම ආයතනයේ මෙහෙයුම් තාවකාලිකව නවතා දැමු බවය.

-adaderana.

Leave a Reply

Your email address will not be published. Required fields are marked *