උසස් පෙළ විභාගය අද සිට – අයදුම්කරුවෝ 3,62,824ක් – විභාග මධ්‍යස්ථාන 2648ක්

අධ්‍යයන පොදු සහතික පත‍්‍ර උසස් පෙළ විභාගය (2020) අද (12 දා) ආරම්භ වෙයි. විභාගයට පෙනි සිටින සෑම ශිෂ්‍ය ශිෂ්‍යාවක්ම විභාගය ආරම්භ වීමට පැයකට පෙර සෞඛ්‍ය ආරක්‍ෂිතව තමන්ට අදාළ විභාග මධ්‍යස්ථානය වෙත වාර්තා කළ යුතු බව විභාග කොමසාරිස් ජනරාල් සනත් පූජිත මහතා පවසයි.

විභාගය පෙරවරු 8.30 ට ආරම්භ වන අතර, විභාගයට පෙනී සිටින සියලූම අපේක්‍ෂකයන් පෙරවරු 7.30 වන විට විභාග මධ්‍යස්ථානවලට පැමිණිය යුතු යැයි ද හෙතෙම කීය.

උසස් පෙළ විභාගය අදින් ආරම්භ වී ලබන නොවැම්බර් 06 වැනිදා තෙක් විභාග මධ්‍යස්ථාන 2648 කදී පැවැත්වේ. විභාගය සඳහා අයැදුම්කරුවන් 3,62,824 ක් පෙනී සිටින අතර ඔවුන් සියලූදෙනා විභාග ප‍්‍රවේශපත‍්‍රය සමඟ ජාතික හැඳුනුම්පත හෝ වලංගු විදේශ ගමන් බලපත‍්‍රයක් හෝ වලංගු රියැදුරු බලපත‍්‍රයක් ඉදිරිපත් කළ යුතු යැයි ද විභාග කොමසාරිස් ජනරාල්වරයා පැවසීය.

-Lanka Lead News

Leave a Reply

Your email address will not be published. Required fields are marked *