මන්නාරමේ ගම් දෙකක් හුදකලා කෙරේ මන්නාරමේ ගම් දෙකක් හුදකලා කෙරේ

කොරෝනා වෛරසය පැතිරීම පාලනය කිරීමේ අරමුණින් මන්නාරම දිස්ත්‍රික්කයේ ගම්මාන දෙකක් හුදකලා කිරීමට පියවර ගෙන තිබේ.

යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පැවසුවේ පට්ටිටෝට්ටම් සහ පෙරියකඩෙයි නම් ගම්මාන දෙක එසේ හුදකලා කළ බවය.

මන්නාරම, ප්‍රදේශයේ කතෝලික දේවස්ථානයක් අසළ ඉදිකිරීම් ස්ථානයක සිටි පුද්ගලයින් 6 දෙනෙකුට කොවිඩ් නයින්ටීන් වෛරසය ආසාදනය වී ඇති බවට තහවුරු වීමත් සමග මෙම පියවර ගෙන තිබේ.

ඊයේ (10) දිනයේ සිදුකළ පී.සී.ආර් පරීක්ෂණවලින් මෙම පුද්ගලයින්ට කොවිඩ් නයින්ටීන් වෛරසය ආසාදනය වී ඇති බව ප්‍රදේශය භාර සෞඛ්‍ය අංශ සඳහන් කළේය.

අදාළ ඉදිකිරීම් වැඩබිමේ සිටි පුද්ගලයෙකු උණ රෝගී තත්ත්වයක් හේතුවෙන් පසුගියදා රෝහල්ගත කර ඇති අතර එහිදී සිදුකළ පී.සී.ආර් පරීක්ෂාවේදී ඔහුට කොවිඩ් නයින්ටීන් වෛරසය ආසාදනය වී ඇති බට අනාවරණය විය.

ඒ අනුව එම වැඩබිමේ සිටි අනෙක් සේවකයින්ද පී.සී.ආර් පරීක්ෂණයට ලක්කර ඇති අතර එහිදී තවත් 5 දෙනෙකුට වෛරසය ආසාදනය වී ඇති බවට තහවුරු වී ඇත.

අදාළ වැඩ බිමේ සිටි සේවකයින් 40 දෙනෙකු සහ දේවස්ථානයේ පිරිසක් මේ වන විට නිරෝධායනයට ලක්කර ඇති බව වාර්තා වේ.

-Lanka Lead News

Leave a Reply

Your email address will not be published. Required fields are marked *