පොලීසිය විග්නේෂ්වරන්ගෙන් ප්‍රකාශයක් සටහන් කරගනී

පොලිස් නිලධාරීන් කණ්ඩායමක් පැමිණ තමන්ගෙන් ප්‍රකාශයක් සටහන් කරගත් බව පාර්ලිමේන්තු මන්ත්‍රී සී.වී.විග්නේෂ්වරන් මහතා පවසයි.

ඊයේ (10) පස්වරුවේ සිය නිවසට පැමිණි පොලිස් නිලධාරීන් තිදෙනෙකු මෙම ප්‍රකාශය සටහන් 
කරගත් බව විග්නේෂ්වරන් මහතා පැවසීය.

පසුගිය දෙසැම්බර් මස 14 වන දින තමා මාධ්‍ය වෙත සිදුකළ ප්‍රකාශයක් සම්බන්ධයෙන් භික්ෂූන් වහන්සේ නමක් සිදුකළ පැමිණිල්ලක් මත අදාළ ප්‍රකාශය සටහන් කරගෙන ඇත.

දෙමළ ජනතාවගේ ඉතිහාසයේ සහ මහාවංශය සම්බන්ධයෙන් සිදුකළ ප්‍රකාශයක් තුළින් ජාතිවාදය 
ඇවිස්සෙන බවට එම පැමිණිල්ලේ සටහන් කර තිබූ බව සී.වී.විග්නේෂ්වරන් මහතා ප්‍රකාශ කළේය.

පැයකට ආසන්න කාලයක් පොලිස් කණ්ඩායම තමන්ගෙන් අදාළ ප්‍රකාශය පිළිබඳව කරුණු විමසීමක් 
සිදුකළ බව සී.වී.විග්නේෂ්වරන් මහතා වැඩිදුරටත් සඳහන් කළේය.

-adaderana.

Leave a Reply

Your email address will not be published. Required fields are marked *