දිවුලපිටියේ කාන්තාව ඇඟලුම් කම්හලට කොවිඩ්19 වෛරසය බෝ කළ කාන්තාව නොවේ- ප්‍රධාන වසංගතවේදී වෛද්‍යය සුදත් සමරවික්‍රම

වසංගත රෝග විද්‍යා අංශයේ ප්‍රධානී වෛද්‍යය සුදත් සමරවික්‍රම මහතා පවසා සිට්න්නේ මිනුවන්ගොඩ බ්‍රැන්ඩික්ස් ඇඟලුම් කර්මාන්ත ශාලාවේ සේවයේ නියතුව සිට කොවිඩ්19 වෛරසය ආසාදනය වූ දිවුලපිටිය ප්‍රදේශයේ පදිංචි කාන්තාව එම කර්මාන්තශාලාවට වෛරසය රැගෙන ආ පුද්ගලයා නොවන බවයි.

ඔහු වැඩිදුරටත් පවසා සිටියේ පසුගිය සැප්තැම්බර් 20 වනදා සිට ස්වශන අපහසුතා පෙන්වූ සේවක සේවිකාවන් ආයතනය තුළ දක්නට ලැබී ඇති බවයි. ඒ අනුව අදාල කාන්තාව කර්මාන්තශාලා පරිශ්‍රය තුළ අතරමැදියෙකු ලෙස ක්‍රියාකර ඇති බවට නිගමනය කළ හැකි බව වෛද්‍යය සුදත් සමරවික්‍රම මහතා පවසයි.

වෛද්‍යය සුදත් සමරවික්‍රම මහතාට අනුව සැප්තැම්බර් 20 වෙනිදාට දින 10ත් 14ත් අතර කාලයකට පෙර ඇඟලුම් කර්මාන්තශාලාවට වෛරසය ඇතුළුවී තිබෙන බවට නිගමනයකට පැමිණිය හැකිය.

ආසාදිතයින් 800ක් වැනි ඉහළ ආසාදිතයින් පිරිසක් අතර නිෂ්චිත වශයෙන්ම වෛරසය කර්මාන්තශාලාවට රැගෙන ආ පුද්ගලයා සොයා ගැනීම දුෂ්කර කාර්යක් බවදපවසා සිටියේය.

ඒ අනුව වෛරසය පැතිරීම ආරම්භ වූ ආකාරය සොයාගැනීම අපොහොසත් වීමට බොහෝ දුරට ඉඩ ඇති බව වෛද්‍යය සුදත් සමරවික්‍රම මහතා පවසා සිටියේය.

-Lanka Lead News

Leave a Reply

Your email address will not be published. Required fields are marked *